Heilige Familie im Stall in Bethlehem, Holzarbeit 2011 von Heinz Kobald
Valorne Welt
Koa Heil in dera Welt ned waar
Desweng san olle Herzn laar
Si suachans doch si findns ned
aa wanns im Menschn vor eana steht
Si redn nix Schaung si ned o
Ja, wia oana da was findn ko
So blind und stumm mid taube Ohrn
Da ham si olle pfeigrad valorn
Wei si so koana nimma find
na hoffns auf des kloane Kind
Doch iss genau so wia zua Zeid
A Tür macht koana auf mid Freid
Si schickans hinaus aus da Stod
wei koana ned an Plodz frei hat
De wo a Geld ham de ladns ei
Wer koans hat kommt in koa Haus ned nei
Ihre Ohrn hörn grad aufn Klang vom Geld
Ois waar grad des as Heil fia de Welt
Es geht wias kommt geht schnell valorn
Ja, is da Mensch fias Geld geborn ?
Ganz ohne Geld sans glei vastört
Wei koana auf des kloane Kind hihört
Hat des vom Geld aso vui gred
Si dean aso ois wanns des hätt
De wissns bessa was do hat
Und ibahaupts gibts gar koan Gott
Soin de an eam glaubn de wo des meng
Mia spuin uns weida Was soi scho gscheng
Wia dann des Jahr vaganga is
hams an neia Wunsch ganz gwiß
Wei da heruntn auf dera Erdn
da wui koa Mensch ned gscheida wern
Dass de Geburt
grad des Gschenk is
Wer woass des no?
Nix is ned gwiss
Advent 2011 © Heinz Kobald