bei der Mutter, Foto: Heinz Kobald
- Das Bewußtsein eines erfüllten Lebens
und die Erinnerung an viele gute Stunden
sind das größte Glück auf Erden.
A staade Rast
Ois werd nei
no schnella ausdauscht
Oide Sachan
dee wern raar
So wern aa
de oidn Augn
in de oidn
Gsichta laar
Sie seng nix
was sie no kennan
Koa oids Buidl
Koa oids Gschirr
Da is nix
was sie fest hoitn
Dadurch werd
da Geist ganz irr
Wia s dann laffan
naus auf d Strassn
sengs vui Auto
oiwei mehr
D Luft is aa
nimma zum Schnauffa
und de Zeid fahrt
hinta her
Warum lebn no
so vui Oide
Dees, des hod doch
aa sein Sinn
Dee wo heit no
so schnell sausn
hockan se doch
aa moi hi
Nachat sengs
So schnell sans glaffa
Und wohi hod s
eana bracht
S Glück konsd ned
mid vui Geld kaffa
und koan Schlaf ned
fia de Nacht
Waarn s grad oimoi
bei de Oidn
steh blibn und
a weng ausgrast
Nacha hädn s no
an Schnauffa
Ham im Lebn
so vui vapasst
Deszweng gibts heit
so vui Oide
Jeda is a
Staade Rast
fia de Jungan
und de Schnellan
In dem Lebn
is jeda Gast
2007 © Heinz Kobald