Dino sitzt auf dem Lehrerstuhl © Zeichnung Heinz Kobald
Ja mia gangst
Na, i mag ned! Naa, i wui ned!
Da politische Autismus trumpa erdoganis is unbehandelbar!
Sowoi politisch, wia medizinisch und is scho gar ned beschreibbar in Wort und Buid.
Er werd am bestn gar ned behandlt.
Wei a durch an jedn Eingriff grad mehra werd. Drum mag i ned.
Wei wann is Papia in d Hand nimm und was wegwisch, dann soids aa vaschwundn sei.
Guat, i woass aa, dass doch oiwei wieda kimmt. Aso is hoit as Lebn. Da Mensch is aso. Damid a lebt, muass a was ham. Dees braucht a.
Aba. Aba, des is unnatirli, wann s durch s Wegwischn in da Hand glei oiwei mehra werd und gar nimma weg geht. Wei, es kimmt ja oiwei wieda.
Da muass ma da Hauffa in da Hand ned glei beim Wegwischn no grässa wern. Dees is ma zwieda.
Oiso, vileicht gar koa Papia ned hernemma, gar ned in d Hand nemma, ned amoi oglanga. Glei mim Wassa ins Rohr eini oda ganz diaf eigrabn.
Eigentli vaschwindn ja vui Sachan wammas gar ned oschaugt, wamma gar ned hischaugt, ganz vo selm.
Aba da gibts oa, de miassn da drin rumriarn.
A so a scheene Farb kannt des gar ned ham, dass i da drin aa no rumriarn daatat.
Und was macht da Hacke Axel? Der wo sonst grad iba des Beste vo da Welt schreibt?
Der glangst oo! Grad aso ois wia wann dees des Beste waar wo gibt.
Ja i vasteh nixn. Des gib i zua.
Da hauts ma mei Hirn ausm Schädl aussi.
I aba ziag mi jetz warm o, damid mi da Virus ned doch no dawischt.
Bin eam eh grad jetz doch fei ganz schee nah hi kemma.
Nix da trumponia erdogensis.
Wia hats a gscheida Weana gsagt? "Ned amoi ignoriern!"
A so mach is jetz.
Habe di Ehre!
Da Boarische Hias
A guade Zeit winsch i.
Es is eh grad Fastnzeit.
Oiso, ned so vui redn!
15. März 2017 © Heinz Kobald